MP banki tilkynnti nýverið um útvíkkun á starfsemi sinni með stofnun eignaleigusviðs. Starfsemi á þessu sviði mun hefjast á mánudaginn undir vörumerkinu Lykill.
Lykill býður bílasamninga, bílalán og kaupleigusamninga vegna ýmissa atvinnutækja. Starfsstöð Lykils er í Ármúla 13a, samkvæmt tilkynningu.
Framkvæmdastjóri Lykils er Kjartan Georg Gunnarsson. Aðrir starfsmenn eru Herbert S. Arnarson, Thelma Harðardóttir, Jón Ragnarsson og Jón Hjálmarsson. Öll eru þau fyrrverandi starfsmenn SP-Fjármögnunar hf.