Mikið flug á Icelandair í dag í Kauphöllinni

Mikil uppsveifla var í Kauphöllinni í dag, en bréf flestra fyrirtækja hækkuðu mikið. Þá var velta einnig með miklu móti, en samtals voru bréf keypt fyrir rúmlega 2,4 milljarða. Mest hækkuðu bréf Icelandair og fóru þau upp um 4,19% í tæplega 600 milljóna viðskiptum. Þá hækkuðu Hagar um 2,02% í tæplega 290 milljóna viðskiptum og Eimskipafélagið fór upp um 1,63% í 525 milljóna viðskiptum. 

Nýjasta félagið á markaðinum, Fjarskipti, lækkaði um 0,15% í um 200 milljóna viðskiptum, en Nýherji fór einnig niður um 1,58% í aðeins 10 þúsund króna sölu. 

• Blogga um frétt