Facebook snarlækkar vegna gagnalekans

Hlutabréf í Facebook lækkuðu verulega í verði eftir fréttaflutning af því að Cambridge Ana­lytica hefði nýtt per­sónu­upp­lýs­ing­ar Face­book not­enda til að reyna að fá ókveðna kjós­end­ur til að kjósa Don­ald Trump í banda­rísku for­seta­kosn­ing­un­um haustið 2016. 

Frétt af mbl.is

Nýttu persónuupplýsingar á Facebook

Um helgina var greint frá því að per­sónu­upp­lýs­ing­ar um 50 millj­óna manna af Face­book hafi verið nýtt­ar, án þeirr­ar vitn­eskju, til að út­búa um­fangs­mik­inn gagna­grunn um banda­ríska kjós­end­ur.

Verð hlutabréfa í samfélagsmiðlinum lækkaði um allt að 5,2% í dag og var verðhækkunin frá áramótum þannig þurrkuð út, að því er kemur fram í frétt Bloomberg. Þetta er mesta lækkun hlutabréfa í Facebook í tvo mánuði. 

Stjórnmálamenn beggja vegna Atlantshafsins hafa kallað eftir því að Mark Zuckerberg, forstjóri Facebook, svari fyrir hneykslið. Þá hefur einnig verið ákall um aðgerðir til þess að koma í veg fyrir að þetta geti komið aftur fyrir. Damian Collins, formaður menningar-, fjölmiðla og íþróttanefndar breska þingsins sagði í dag að tímabært væri að gefa yfirvöldum meiri völd til þess að hafa eftirlit með upplýsingaöryggi. 

• Blogga um frétt