Ólöglegt samráð í frumniðurstöðu
Setja bókamerki
Samkeppniseftirlitið hefur í andmælaskjali sínu komist að þeirri frumniðurstöðu að Eimskip og Samskip hafi haft með sér ólögmætt samráð á rannsóknartímabili málsins gegn fyrirtækjunum á árunum 2008 til 2013 og brotið þannig gegn tíundu grein samkeppnislaga og 53. grein EES-samningsins.
Andmælaskjalið, sem er það fyrra af tveimur, er liður í málsmeðferð rannsóknarinnar. Það felur í sér frummat og er ekki bindandi stjórnvaldsákvörðun, að því er segir í tilkynningu frá Eimskip.
Það er skrifað til að stuðla að því að málið verði að fullu upplýst áður en ákvörðun er tekin og til að auðvelda félaginu að nýta sér andmælarétt sinn samkvæmt stjórnsýslulögum.
Ekki liggja fyrir upplýsingar um mögulega sektarfjárhæð, komi til hennar.
„Í andmælaskjalinu er frummati Samkeppniseftirlitsins lýst á þeim atvikum málsins þar sem rannsóknin er lengst komin. Telur Samkeppniseftirlitið því rétt að veita félaginu færi á því að koma að skriflegum athugasemdum vegna þessara atvika. Jafnframt stefnir Samkeppniseftirlitið að því að senda félaginu viðbótar andmælaskjal, andmælaskjal II, eins fljótt og unnt er. Félagið hefur ekki upplýsingar um hvenær það verður. Í því verður fjallað um hugsanleg viðurlög og mögulega þörf á fyrirmælum vegna 16. gr. samkeppnislaga. Í andmælaskjali II verður metið hvort gögn eða upplýsingar sem kunna að berast Samkeppniseftirlitinu frá lögreglu eða ákæruvaldi kalli á breytingar á frummati eftirlitsins,“ segir í tilkynningunni.
„Að fengnu andmælaskjali II mun félaginu verða aftur gefinn kostur á að tjá sig um það og málið í heild sinni og eftir atvikum koma að frekari sjónarmiðum vegna efnisatriða andmælaskjals I. Ef athugasemdir, skýringar eða ný gögn þykja gefa tilefni til getur frummat og ályktanir sem fram koma í andmælaskjali I tekið breytingum.“
Eimskip hefur fengið frest til að setja fram andmæli við andmælaskjalið til 7. september.
Sex hafa greinst með listeríu
Væri að ljúga ef ég segðist ekki stressaður
Vonast til að tjaldbúðir við HÍ standi áfram
Frambjóðendur skila inn listum í Hörpu
Kaldasti veturinn kom að óvörum
Breytingar á skipulagi fréttadeildar RÚV
Skaut sex sinnum að feðginum á aðfangadagskvöld
Bergnuminn í Hvalfirði