Google sektað um 540 milljarða

Fyrirtækið Google var í dag sektað af samkeppniseftirliti Evrópusambandsins og hljóðar sektin upp á 4,34 milljarða evra eða rúmlega 540 milljarða íslenskra króna, sem er nýtt met frá því í fyrra þegar fyrirtækið var sektað um 2,4 milljarða evra eða tæplega 300 milljarða íslenskra króna.

Google er sagt hafa brotið gegn samkeppnislögum með því að skilyrða notkun hugbúnaðar fyrirtækisins þegar Android-stýrikerfi fyrirtækisins eru notuð. Þá er Google sagt skapa ósanngjarna samkeppnisstöðu annarra hugbúnaðarframleiðenda.

Fram kemur í umfjöllun New York Times að Google hafi í samningum við framleiðendur farsíma ekki bara veitt þeim afnotarétt af Android-stýrikerfi sínu, heldur einnig skilyrt notkun hugbúnaðar Google eins og Chrome-vafrans. Samningar Google af þessu tagi ná til fleiri stórra framleiðenda svo sem Samsung, Huawei og HTC.

Frétt af mbl.is

Google fær metháa sekt

• Blogga um frétt