Björn Óli hættir sem forstjóri Isavia

Björn Óli Hauksson hefur látið af störfum sem forstjóri Isavia.
Björn Óli Hauksson hefur látið af störfum sem forstjóri Isavia. mbl.is/​Hari

Björn Óli Hauksson, forstjóri Isavia, hef­ur sagt starfi sínu lausu og  lætur nú þegar af störfum. Þetta kemur fram í fréttatilkynningu sem Isavia sendi frá sér nú í kvöld, en Elín Árnadóttir, aðstoðarforstjóri, og Sveinbjörn Indriðason, framkvæmdastjóri fjármálasviðs, munu annast daglegan rekstur félagsins þar til nýr forstjóri hefur verið ráðinn.

Haft er eftir Birni Óla í tilkynningunni að hann hafi nú starfað hjá Isavia í meira en tíu ár og sá tími hafi verið bæði viðburðaríkur og skemmtilegur. „Ég hef fengið að taka þátt í uppbyggingu á Isavia sem hefur verið einstakt. Einnig hef ég fengið tækifæri til að vinna með frábæru starfsfólki í umhverfi þar sem áskoranir eru og hafa verið miklar. Ég er þakklátur fyrir það hversu vel hefur tekist til og nú er að hefjast enn einn kaflinn í sögu Isavia. Í því ljósi tel ég að nú sé góður tími fyrir nýtt fólk til að taka við keflinu,”segir Björn Óli.

Þakkar Orri Hauksson, stjórn­ar­formaður Isavia, Birni Óla fyrir hönd stjórnar fyr­ir starf sitt fyrir félagi. Stjórnin virðir ákvörðun hans um að nú sé góður tíma­punkt­ur til að láta af störf­um og hafist verði handa við að ráða nýjan forstjóra.

mbl.is

Bloggað um fréttina

Myntbreyta

  ISK
  USD
  EUR
  GBP
  CAD
  DKK
  NOK
  SEK
  CHF
  JPY

Erlendar viðskiptafréttir