Ekki brýn þörf lengur fyrir RÚV

Útvarpshúsið við Efstaleiti.
Útvarpshúsið við Efstaleiti. Eggert Jóhannesson

Þórólfur Gíslason kaupfélagsstjóri Kaupfélags Skagfirðinga gagnrýnir Ríkisútvarpið í samtali við ViðskiptaMoggann og segir að þörfin fyrir RÚV sé ekki eins brýn og áður. „Ríkið er fyrirferðarmikið á þessum markaði sem er ekki hollt til lengdar, og í raun mjög umhugsunarvert, enda þörfin ekki eins brýn og áður var. Ríkið rak einu sinni dreifikerfi á kartöflum, en er hætt því sem dæmi. Þessi mikli rekstur ríkisins á fjölmiðlum býður upp á ákveðna hættu. Að fjölmiðillinn verði ríki í ríkiskerfinu og leiði skoðanamyndun. Við þekkjum það í löndum þar sem ekki er virkt lýðræði, að þar eru ríkisfjölmiðlar mjög fyrirferðarmiklir.“

Ákvörðun skattgreiðenda

Þórólfur bætir við að sér finnist að það eigi að vera val skattgreiðenda hvort þeir vilji halda þessu úti eða ekki. „Þetta er ekki þjóðarnauðsyn eins og heilbrigðiskerfið. Þetta er ekki lengur einn af grunnþáttunum. Ég held að menn eigi markvisst að draga úr hinum miklu umsvifum Ríkisútvarpsins. Ekki síst til þess að tryggja lýðræðisstöðuna í landinu.“

Þess ber að gera að KS á ríflega fimmtungshlut í útgáfufélagi Morgunblaðsins.

Þórólfur Gíslason vill draga úr umsvifum Ríkisútvarpsins.
Þórólfur Gíslason vill draga úr umsvifum Ríkisútvarpsins. mbl.is/RAX
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Bloggað um fréttina

Myntbreyta

  ISK
  USD
  EUR
  GBP
  CAD
  DKK
  NOK
  SEK
  CHF
  JPY

Erlendar viðskiptafréttir