Isavia telur að greiðsla flug­véla­leigu­fyr­ir­tæk­is­ins ALC, vegna skuldar farþegaþotu sem hefur verið kyrrsett á Keflavíkurflugvelli frá gjaldþroti WOW air, sé hvorki fullnaðargreiðsla vegna skulda WOW air né fullnægjandi trygging.

Þetta segir Guðjón Helgason, upplýsingafulltrúi Isavia, við mbl.is.

„Staða málsins er óbreytt,“ segir Guðjón. „Flugvélin er áfram kyrrsett vegna skulda WOW, sem nema rúmum tveimur milljörðum króna,“ bætir hann við.

Frétt af mbl.is

Búið að greiða skuldir þotunnar

Í úr­sk­urði Héraðsdóms Reykja­ness frá því á fimmtu­dag sagði að Isa­via væri heim­ilt að aftra brott­för vél­ar­inn­ar vegna þeirra gjalda sem tengj­ast vél­inni sjálfri.

Það félli ekki yfir aðrar skuld­ir WOW air við Isa­via, en kyrr­setn­ing vél­ar­inn­ar átti að vera trygg­ing fyr­ir um tveggja millj­arða skuld WOW air við Isa­via. Skuld­ir þess­ar­ar vél­ar voru hins veg­ar um 87 millj­ón­ir króna.

Guðjón segir að forsendur í úrskurði Héraðsdóms Reykjaness hafi verið misvísandi og af þeim sökum hafi Isavia kært úrskurðinn til Landsréttar. „Við teljum mikilvægt að fá niðurstöðu í málið á æðra dómstigi.“

Vél í eigu ALC í vörslu Isavia á Keflavíkurflugvelli. Ljósmynd/Hilmar Bragi Bárðarson

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir

• Blogga um frétt