Ferðir afbókaðar – verslunum lokað

Áformað er að loka öllum verslunum Nordic Store.
Áformað er að loka öllum verslunum Nordic Store. mbl.is/Arnþór Birkisson

Hertar sóttvarnir vegna kórónuveirunnar hafa þegar haft áhrif á tekjur og væntingar í ferðaþjónustu.

Þráinn Lárusson, eigandi Hótels Hallormsstaðar og Hótels Valaskjálfar, segir afbókanir hafa hrannast inn síðustu daga. „Við höfum fengið mörg hundruð afbókanir. Við þurfum bara að skella í lás,“ segir Þráinn sem ráðgerir að á sjötta tug starfsfólks verði sagt upp vegna samdráttar.

 Skoða að fella niður flug

Hjá ferðaskrifstofunni Úrvali-Útsýn er til skoðunar hvort fella eigi niður flug á vegum fyrirtækisins. Að sögn Þórunnar Reynisdóttur, forstjóra ferðaskrifstofunnar, munu hertar aðgerðir á landamærunum hafa talsverð áhrif á reksturinn.

Bjarni Jónsson, eigandi Nordic Store-keðjunnar ásamt Hafsteini Guðbjartssyni, reiknar með að þurfa að loka verslunum keðjunnar um mánaðamótin og segja öllum upp.

Nordic Store-keðjan er með nokkrar verslanir í miðborginni.

Þá má nefna að bakaríi Jóa Fel í Borgartúni verði lokað vegna minnkandi eftirspurnar í hagkerfinu.

Lilja Björk Einarsdóttir, bankastjóri Landsbankans, segir þá fyrstu sem sóttu um greiðslufrest, einstaklinga og fyrirtæki, munu ljúka honum í september. Þá þurfi bankinn að fara að vinna með þeim aðilum.

Viðkvæm fyrir áfalli

Margir þeirra eru í ferðaþjónustu.

„Mörg fyrirtækin voru að skila góðum rekstri og sum hver voru mjög sterk en þetta er grein í uppbyggingu og þannig eiga þau erfiðara með að taka við áfalli sem þessu,“ segir Lilja Björk um stöðu fyrirtækjanna.

Ragnar Árnason, prófessor í hagfræði við Háskóla Íslands, segir brýnt að bera saman kosti þess að endurreisa ferðaþjónustuna við aðra kosti við endurreisn efnahagslífsins. Meta þurfi áhættuna og hagsmunirnir séu miklir.

Þessi grein birtist
í Morgunblaðinu
Áskrifendur:
Þessi grein birtist
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK