Perla Ösp Ásgeirsdóttir, framkvæmdastjóri áhættustýringar Landsbankans, hefur sagt starfi sínu hjá bankanum lausu og hefur látið af störfum. Þetta kemur fram í tilkynningu frá bankanum til Kauphallarinnar.
Perla hefur verið framkvæmdastjóri áhættustýringar frá árinu 2010 og hafði meðal annars yfirsjón með innleiðingu á rauntíma upplýsingagjöf um áhættu í allri starfsemi bankans.
Í tilkynningunni þakkar Lilja Björk Einarsdóttir, bankastjóri Landsbankans, Perlu fyrir samstarfið og óskar henni velfarnaðar.