Seðlabanki Bandaríkjanna hækkaði stýrivexti um 0,75 prósentustig í dag til að sporna gegn verðbólgu.
Þetta er í þriðja sinn á skömmum tíma sem bankinn hækkar stýrivexti um 0,75 stig en markmiðið er að minnka verðbólguna niður í tvö prósent. Verðbólgan hefur ekki verið meiri þar í landi í fjörutíu ár.
Stýrivextir í Bandaríkjunum eru því nú á bilinu 3-3,25% en samkvæmt tilkynningu frá bankanum verða stýrivextir hækkaðir enn meira á komandi misserum.