Tilkynning um starfslok Birnu Einarsdóttur bankastjóra Íslandsbanka, gat ekki beðið þar sem niðurstaðan lá fyrir. Var þetta mat lögfræðinga bankans, að því er heimildir Morgunblaðsins herma.

Tilkynning þess efnis var send á Kauphöll rétt fyrir kl. 04 á miðvikudagsmorgun þar sem einnig kom fram að stjórn bankans hefði ráðið Jón Guðna Ómarsson, framkvæmdastjóra fjármála Íslandsbanka, í starf bankastjóra.

Stuttu síðar barst tilkynning til fjölmiðla frá Birnu þar sem fram kom að hún hefði ákveðið að stíga til hliðar „með hagsmuni bankans að leiðarljósi“ og axla þannig ábyrgð sína á því verklagi sem fyrrnefnd sátt byggist á.

Frétt af mbl.is

Birna hóf fyrst störf fyrir nær 30 árum

Kom saman til fundar síðdegis

Stjórn Íslandsbanka kom saman til fundar síðdegis á þriðjdag, til að ræða um stöðu bankans og helstu stjórnenda hans í kjölfar umræðu og fréttaflutnings um sátt bankans við fjármálaeftirlit Seðlabankans sem birt var á mánudagsmorgun.

Niðurstaða fundarins, sem dróst fram á nótt, var sú að samkomulag náðist um að Birna Einarsdóttir myndi láta af störfum eftir nær 30 ára starf hjá bankanum, þar af 14 ár í starfi bankastjóra.

Jón Guðni hefur starfað hjá Íslandsbanka og forverum hans frá árinu 2000.

Frétt af mbl.is

Birna segir upp störfum og Jón Guðni tekur við

Fjallað er nánar um málið á síðu 34 í Morgunblaðinu í dag.

Tengdar fréttir

Sala á hlut ríkisins í Íslandsbanka

Meta bankasöluna jákvæðasta fyrir efnahagslífið

• Vilja ekki að Íslandsbanki verði seldur
• Ráða fjármálaráðgjafa fyrir útboð í Íslandsbanka
• Leggja fram vantrauststillögu í næstu viku
• „Við þurfum að selja banka“

» Fleiri tengdar fréttir