Peningastefnunefnd Seðlabanka Íslands hefur ákveðið að hækka vexti bankans um 0,5 prósentustig. Meginvextir bankans, vextir á sjö daga bundnum innlánum, verða því 9,25%.

Þetta kemur fram í tilkynningu frá bankanum.

Um er að ræða 14. stýrivaxtahækkun peningastefnunefndar í röð síðan vaxtahækkunarferlið hófst í maí árið 2021.

Í yfirlýsingu peningastefnunefndar kemur fram að verðbólguhorfur til lengri tíma hafi lítið breyst þótt horfur til skamms tíma hafi batnað frá því í maí. Þá séu verðbólguvæntingar til lengri tíma vel yfir markmiði. Því sé enn hætta á að verðbólga reynist þrálát.

Í ljósi þess sé nauðsynlegt að herða taumhald peningastefnunnar enn frekar. Einkum sé mikilvægt að koma í veg fyrir víxlverkun hækkandi launa og verðlags. Vísbendingar séu um að áhrif vaxtahækkana undanfarin misseri séu að koma skýrar fram og mun peningastefnan á næstunni ráðast af þróun efnahagsumsvifa, verðbólgu og verðbólguvæntinga.

Kynn­ing­ar­fund­ur verður hald­inn klukk­an 9.30 vegna yf­ir­lýs­ing­ar nefnd­ar­inn­ar, út­gáfu Pen­inga­mála og vaxta­ákvörðunar.

Tengdar fréttir

Vextir á Íslandi

Allar líkur á að Seðlabankinn lækki næst vexti

• Telja forsendur til að lækka vexti
• Kristrún og Bjarni tókust hart á um efnahagsmálin
• „4-5% gólf sem við verðum bara að brjótast í gegnum“
• „Hætta á því að það dragi úr samstöðunni“

» Fleiri tengdar fréttir

• Blogga um frétt