Fimmtungi minni afli í mars

Heildarafli íslenskra fiskiskipa í mars nam 93,2 þúsund tonnum sem er 21% minni afli en í sama mánuði í fyrra, að því er fram kemur í bráðabirgðatölum á vef Hagstofu Íslands. Þar segir að meginskýringin á samdrættinum sé að rúmlega 38 þúsund tonn veiddust af kolmunna í mars sem er 40% minna magn en í mars 2019 þegar landað var 68 þúsund tonnum af kolmunna.

Aukning varð í botnfiskafla um 3% milli ára og nam hann 53,4 þúsund tonnum og má rekja aukninguna til þess að 53,4 þúsund tonn af þorski var landað í mars sem er 5% meira en í sama mánuði í fyrra. Mesta aukningin varð í ufsa og nam aflinn 6 þúsund tonnum.

Þá segir að afli í mars, metinn á föstu verðlagi, hafi verið 6,8% minni en í mars 2019.

Ef litið er til heildarafla á tólf mánaða tímabili hefur hann dregist saman um 14% og var hann 990 þúsund tonn apríl 2019 til mars 2020 ámóti 1.148 þúsund tonn apríl 2018 til mars 2019. Samdráttur var í öllum tegundum á þessu tímabili með einni undantekningu, en 11% aukning var í síldaraflanum.

• Blogga um frétt