Þór leitaði til Hampiðjunnar í Neskaupstað

Varðskipið Þór kom við í Neskaupstað í gær þar sem starfsmenn Hampiðjunnar spóluðu dráttavír skipsins í land þar sem stendur til að skipta honum út.

Fram kemur í færslu á Facebook-síðu Hampiðjunnar í Neskaupstað að skip með eins mikla dráttargetu og Þór þurfa eðlilega sveran vír. Mælist þvermál dráttarvírs Þórs heila 64 millimetra.

„Er þetta talsvert sverari vír en við erum vön að vinna með, sem er mest í kringum 40mm hjá uppsjávarskipunum. En allt gekk þetta vel og var skemmtilegt verkefni,“ segir í færslunni.

Dráttarvír Þórs er ekkert smáræði. Ljósmynd/Hampiðjan í Neskaupstað

• Blogga um frétt