Strandveiðibátar lentu í vandræðum

Dagurinn var annasamur hjá áhöfnum björgunarskipa Slysavarnafélagsins Landsbjargar í dag.

Í tilkynningu frá Landsbjörg segir að rétt fyrir klukkan 9 í morgun hafi björgunarsveitir frá Sauðárkrók og Hofsósi ásamt björgunarskipinu Sigurvin á Siglufirði verið kallaðar út vegna strandveiðibáts með óvirkt stýri. Björgunarbáturinn Skafti og björgunarskipið Sigurvin fóru á vettvang og dró Sigurvin dró bátinn til Siglufjarðar.

Upp úr klukkan 15 í dag var áhöfn björgunarskipsins Hannesar Hafstein kölluð út vegna aflvana strandveiðibátar rétt út að Garðskaga. Skipverji hafði varpað akkeri til að forðast að reka í land. Taug var komið á milli og eru skipin nú á leið til lands.

Á nánast sama tíma barst tilkynning frá strandveiðibát út af Rifi sem þarfnaðist aðstoðar. Rétt í þann mund sem björgunarskipið Björg á Rifi og björgunarsveitin Klakkur voru að leggja af stað barst afturköllun þar sem nærstaddur bátur kom til aðstoðar.

• Blogga um frétt