Ragnar Ingi með elstu starfandi sjómönnum landsins
Setja bókamerki
Vélstjórinn Ragnar Ingi Hálfdánarson í Bolungarvík er 86 ára og með elstu starfandi sjómönnum landsins. Hann kann best við sig úti á sjó og vill helst hvergi annars staðar vera. „Það er nóg af fiski í sjónum en verst er að það hefur verið helvítis leiðinda ótíð í vor og ekki gefið á sjó, alltaf vitlaust veður, vestanrok,“ segir hann.
Ragnar Ingi hefur stundað sjómennsku frá 15 ára aldri, í 71 ár, og verið á strandveiðum undanfarin ár. Sjómennska hans hófst á þriggja eða fjögurra tonna báti í Grunnavík og hann hefur reynt ýmislegt síðan. „Ég ólst upp í Jökulfjörðum og byrjaði á litlum báti með mér eldri mönnum.“
Lengi áttu Ragnar Ingi og mágur hans 200 tonna bát, Jakob Valgeir ÍS, sem fyrst hét Búðaklettur HF, en undanfarin 45 ár hefur hann stundað trilluútgerð, átt og gert út fimm 5-6 tonna báta hvern á eftir öðrum. „Allir mínir bátar hafa heitið Elín í höfuðið á móður minni, Elínu Þorbjarnardóttur,“ segir hann. „Í fyrrasumar ákvað ég að hætta á sjónum og seldi bátinn. Hins vegar tókst þessi ráðagerð ekki betur en svo að ég þoldi ekki að vera í landi og horfa á eftir hinum fara á sjóinn. Ég keypti mér því hæggengari og þægilegri bát og byrjaði aftur á strandveiðunum.“
Viðtalið við Ragnar Inga má lesa í Morgunblaðinu í dag.
„Höldum áfram að fylgjast með“
Ræða um rekstrarleyfi til 16 ára
Verðskulda allir frambjóðendur jafna athygli?
Hvað verður um plastið?
Dreymdi sjö seli: Katrín verður forseti
Hörð átök á milli nemenda og táragasi beitt
3.800 gígawattsstundir af viðbótarorku árlega
„Jæja, Jón forseti bara mættur“