Samfélagsmiðlastjörnurnar Mila og Emma Stauffer eru ekki háar í loftinu en móðir þeirra, Katie Stauffer, sér til þess að fjórar milljónir fylgjast með þeim á Instagram. Á dögunum birti hún mynd af hrekkjavökubúningum þeirra í ár sem vakið hafa mikla lukku.
Árið 2018 hefur verið ár Harry og Meghan. Af því tilefni voru þær systur klæddar upp sem Meghan hertogaynja og Elísabet Englandsdrottning á brúðkaupsdegi hertogahjónanna af Sussex í maí. Var önnur í hvítum brúðarkjól á meðan hin var drottningin sjálf í myntugrænni kápu með hatt í stíl.
Þetta er ekki í fyrsta skipti sem þær Mila og Emma fara í gervi þekktra einstaklinga en móðir þeirra hefur áður klætt þær upp eins og Hillary Clinton og Donald Trump og Kim og Kourtney Kardashian.
View this post on InstagramA post shared by Stauffer Family (@kcstauffer) on Oct 21, 2018 at 2:21pm PDT