Grínleikkonan Amy Schumer leyfir aðdáendum sínum að fylgjast með sinni fyrstu meðgöngu. Schumer hefur þurft að gera breytingar á vinnu sinni á meðgöngunni en hún lenti meðal annars á spítala vegna mikillar ógleði í síðustu viku.
Schumer sýndi myndarlega óléttubumbuna á Instagram í gær, mánudag. Þar tilkynnti hún að fresta þyrfti nokkrum uppistandssýningum þar sem læknar hefðu sett hana í ferðabann. Í síðustu viku þurfti hún einnig að fresta sýningum út af spítalainnlögn.
Sem betur fer líður þó Schumer betur. Henni leið mjög illa í síðustu viku og sagði að annar þriðjungur meðgöngunnar væri ekki skárri en sá fyrsti eins og margir héldu fram.