Psalm West, nýjasti meðlimur konungsfjölskyldunnar í Los Angeles, þykir nauðalíkur stóru systur sinni Chicago West.
Psalm, eða Sálmur litli, er tveggja mánaða og af myndinni að dæma sem mamma hans Kim Kardashian birti í vikunni braggast hann vel. Kardashian hefur áður sagt að hann líti út fyrir að vera tvíburabróðir Chicago.
Hann er fjórða barn þeirra Kardashian og Kanye West. Hann kom í heiminn þann 9. maí síðastliðinn en staðgöngumóðir gekk með hann líkt og systur hans Chicago. Chicago er aðeins rúmu ári eldri en Psalm en hún fæddist í janúar 2018.
Kardashian gekk með eldri börnin sín tvö, en varð alvarlega veik á báðum meðgöngunum og því ákváðu þau að notast við staðgöngumóður með yngri börnin sín tvö.
Nokkrum dögum eftir að Psalm litli kom í heiminn sagði Kardashian á samfélagsmiðlum að hún hafi ekki þurft að hafa nokkrar áhyggjur því litli drengurinn væri vær og góður.
View this post on InstagramA post shared by Kim Kardashian West (@kimkardashian) on Jun 17, 2019 at 9:39am PDT