Segir Richie of unga og óþroskaða til að vera stjúpmömmu

The Hollywood Gossip greinir frá því að Kourtney Kardashian sé að reyna að hindra að fyrrverandi eiginmaður hennar Scott Disick, biðji um hönd Sofia Richie um jólin. Ástæðan fyrir því að hún vill koma í veg fyrir bónorðið er sú að Richie er einungis 21 árs og ekki tilbúin í svona skuldbindingu að hennar mati. Eins telur Kardashian-systirin að hún ætti ekki að koma að uppeldi barna þeirra. Kardashian og Disick eiga þrjú börn saman.

Disick lætur orð Kourtney Kardashian sem vind um eyru þjóta og er á því að hún eigi ekki að koma að svona ákvörðunum fyrir hans hönd.  

Kris Jenner, móðir Kardashian-systranna, er hins vegar á því að hann eigi bara að láta slag standa um jólin. Enda gæti viðburðurinn vakið athygli og verið jákvætt fyrir fjármál fjölskyldunnar. 

Sofia Richie á von á bónorði frá Scott Disick um jólin. mbl.is/AFP

Scott Disick ætlar ekki að láta fyrrverandi eiginkonu sína stjórna ástarmálunum sínum lengur. mbl.is/AFP

• Blogga um frétt