Leikkonan Nicole Kidman var algjör dúlla þegar hún var lítil telpa. Hollywoodstjarnan gladdi aðdáendur sína á dögunum þegar hún birti gamla og nýja mynd af sér á Instagram. Rauða hárið sem er einkennandi fyrir Kidman er að sjálfsögðu til staðar á gömlu myndinni.
Kidman segir ekki hvað hún er gömul á myndinni. „Litla Nic, gamla Nic,“ skrifar hún einfaldlega. Á myndinni er hún í grænum og hvítum kjól með spennu í rauðu hárinu. Hún birti einnig nýja sjálfumynd af sér. Rauða hárið er aðeins ljósara og örlítið meiri krullur í því en í gamla daga.
Fylgjendur Kidman keppast um að lýsa því yfir hversu falleg hún er. Margir segja hana fallegustu konu í heimi og aðrir segja hana gullfallega.