Fjölmiðlamaðurinn Auðunn Blöndal og Rakel Þormarsdóttir fyrirsæta eignuðust son í dag. Litli drengurinn kom stundvíslega í heiminn á settum degi.
Þetta er annað barn þeirra Auðuns og Rakelar en fyrir eiga þau soninn Theodór Sverri sem verður tveggja ára í nóvember.
„Það tók okkur 18 mánuði að verða vísitölufjölskylda. Þessi snillingur mætti í morgun á settum degi og heilsast barni og móður vel,“ skrifar Auðunn við fallegar myndir af fæðingardeildinni.
Barnavefurinn óskar þeim innilega til hamingju!