Raunveruleikastjarnan Heather Rae El Moussa var glæsileg þegar hún mætti á rauða dregilinn á People's Choice Awards í stílhreinum gagnsæjum kjól sem sýndi óléttukúlu hennar vel. Heather á von á sínu fyrsta barni með eiginmanni sínum, Tarek El Moussa, en þau voru stílhrein á verðlaunahátíðinni sem fór fram í Santa Monica í Kaliforníu. 

Heather er fasteignasali og skaust upp á stjörnuhimininn fyrir hlutverk sitt í Netflix-þáttunum Selling Sunset, en þeir voru einmitt tilnefndir til verðlauna í flokki raunveruleikaþátta. Heather og Tarek hafa verið saman síðan 2019, en þau giftu sig haustið 2021. 

Hluti af leikurum Selling Sunset þáttanna. AFP

Hófu barneignarferli í árslok 2021

Heather og Tarek staðfestu það í júlí að þau ættu von á sínu fyrsta barni saman, en fyrir á Tarek tvö börn með fyrrverandi eiginkonu sinni, Christina Hall. Mánuði síðar komust þau að það væri drengur á leiðinni.

Búist er við að aðdáendur Heather og Tareks fái enn meiri innsýn í vegferð þeirra þegar þættirnir The Flipping El Moussas verða frumsýndir á næsta ári, en fram kemur á vef People að þættirnir muni sýna frá lífi hjónanna sem gera umfangsmiklar endurbætur á fasteignum og deila tilfinningaþrungnu ferðalagi þeirra að þungun Heather, en hún varð ófrísk í miðju tæknifrjóvgunarferli. 

Frétt af mbl.is

Varð ófrísk í miðju tæknifrjóvgunarferli

Tengdar fréttir

Frægar fjölskyldur

Sonur Birgittu Lífar á góðri leið að verða heimsflakkari

• Ragga Hólm og Elma eiga von á barni
• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn

» Fleiri tengdar fréttir

• Blogga um frétt