Meghan hertogaynja kann svo sannarlega að ferðast, enda hefur hún þurft að ferðast nokkuð á ævi sinni. Hún hefur ítrekað sést með appelsínugult veski í höndunum þegar hún stígur um borð í flugvélar.
Veskið er einstaklega sniðugt til að hafa með á ferðalagi þar sem það er einstaklega rúmgott og rúmar allt það nauðsynlegasta. Í því er hægt að hafa vegabréfið sitt, flugmiðann, heyrnatól, hleðslusnúru, hleðslubanka, peninga, kreditkort og penna.
Veskið er frá merkinu Stow og kostar á bilinu 505 til 675 Bandaríkjadali eða á bilinu 62 þúsund til 84 þúsund íslenskar krónur. Það er þó eflaust hægt að finna sambærileg veski á lægra verði frá öðrum merkjum. Einnig er hægt að fá það í mismunandi stærðum, en Meghan virðist vera með stærstu útgáfuna.