Samkvæmt verðkönnun Which? á svokölluðum Black Friday-tilboðum árið 2018 voru tilboð á vegum flugfélaga stundum engin tilboð eða ekki raunveruleg. 

Which? skoðaði auglýsingar frá stórum flugfélögum og ferðaskrifstofum sem settar voru í Black Friday-tilboðsbúning og skoðaði svo verðin á sömu flugferðum tveimur vikum seinna. 

Sumar flugferðirnar sem voru á „tilboði“ kostuðu það sama eða minna þegar verðlagið var kannað tveimur vikum eftir svokallaðan svartan föstudag. 

Til dæmis bauð flugfélagið Ryanair upp á 25% afslátt á einni milljón sæta á bilinu janúar til apríl 2019 sem keypt voru á svörtum föstudegi. Tveimur vikum seinna voru flugsætin ekki dýrari og voru til dæmis flug frá London til Óslóar og frá London til Lanzarote 5 pundum ódýrari en ef þau hefðu verið keypt á svörtum föstudegi.  

Which? ráðleggur ferðalöngum að bera verð saman á milli flugfélaga, til dæmis með því að nota Skycanner. Einnig er mælt með því að lesa smáa letrið og kanna hvort aukagreiðslna sé krafist seinna. 

Tengdar fréttir

Ferðaráð

12 hlutir sem þú ættir aldrei að gera í flugi

• „Það er allt öðruvísi menning á Balí en maður hefði haldið“
• Versta matarupplifunin var í fegurðarsamkeppni í Mexíkó
• 48 tímar í Köben: Hönnunarparadís, sjósund og lífleg matarupplifun
• Mæla með tíu heillandi stöðum á Íslandi

» Fleiri tengdar fréttir

• Blogga um frétt