Langar biðraðir mynduðust á flugvelli í Norður-Karólínuríki í Bandaríkjunum á mánudaginn. Af myndunum að dæma var tveggja metra reglan ekki í hávegum höfð og aðeins helmingur farþega var með andlitsgrímu.
Mánudagurinn síðastliðinn var frídagur í Bandaríkjunum og því margir á faraldsfæti. Á Charlotte Douglas-alþjóðaflugvellinum í Norður-Karólínu mynduðust langar raðir og að sögn TMZ voru ferðalangar ekki ánægðir með hvernig staðið var að málum.
Flugfélög í Bandaríkjunum hafa gefið út að þau muni reyna að gæta þess að of mikið af fólki safnist ekki saman á flugvöllum með því að fækka seldum miðum. Það virðist þó ekki hafa verið tilfellið á flugvellinum í Norður-Karólínu á mánudag.
Vegna langra raða fór svo að margir misstu af flugferðum sínum. Hunter Sáenz, blaðamaður WCNC í Charlotte, var á staðnum og birti þetta myndband af flugvellinum á mánudag.
TRAVEL NIGHTMARE
— Hunter Sáenz (@Hunt_Saenz) May 25, 2020
Here’s the current situation @CLTAirport on this Memorial Day. The line is wrapped and looping around the lobby for TSA. I’m told people are growing frustrated/missing flights. And I don’t see much social distancing at all. @wcnc pic.twitter.com/NybOgM5Rh4