Filippus prins var víðförull maður og naut þeirra forréttinda að fá að ferðast til fjölda landa og kynnast ólíkum menningarheimum. Alls heimsótti hann um 70% landa í heiminum. Prinsinn lést 9. apríl síðastliðinn, 99 ára að aldri, og var borinn til grafar í gær, laugardag.
Sé miðað við að ríki heimsins séu 195 talsins heimsótti hann því um 136 lönd á sinni löngu ævi.
Hann heimsótti 50 lönd í breska samveldinu og fór í 229 ferðalög einn. Hann var verndari samtaka í 12 samveldislöndum, allt frá Bahamaeyja til Ástralíu.
Filippus kom meðal annars hingað til Íslands í opinbera heimsókn fyrir hönd drottningarinnar og með henni seinna. Hann kom mörgum sinnum til Íslands í einkaferðir til að veiða.