Það er ekki erfitt að falla fyrir borg ástarinnar, París í Frakklandi. Borgin hefur upp á ótal margt að bjóða, allt frá guðdómlegum arkitektúr og merkri listasögu yfir í tryllta matarsenu og rómantíska stemningu.

Sama hvort þú ert á leið í rómantíska paraferð, spennandi vinkonuferð eða skemmtilega fjölskylduferð þá eru þetta staðirnir sem þú ættir ekki að missa af. 

Að gera

Upp í Eiffel-turninn

Turn Gustave Eiffel var byggður árið 1889, en hann er í dag eitt ástælasta og þekktasta kennileiti borgarinnar. Það er ómissandi að berja turninn augum, en fyrir þá sem vilja fara alla leið og upplifa turninn til fulls er tilvalið að fara upp í turninn og njóta útsýnisins yfir borgina. 

Louvre-safnið

Það er eiginlega ekki hægt að heimsækja París án þess að fara á Louvre-safnið, enda mest heimsótta safn heims. Þar finnur þú hina heimsfrægu Mónu Lísu auk 35 þúsund annarra listaverka og gripa með merka sögu. 

Ljósmynd/Unsplash/Mika Baumeister

Að skoða

Jardin du Luxembourg

Hinn frægi Jardin du Luxembourg er í jafn miklu uppáhaldi hjá heimamönnum og ferðalöngum. Þar er hægt að fara í lautarferðir eða rómantískar gönguferðir, eða einfaldlega dást að blómum og gróðri garðsins. 

Palais-Royal

Í Palais-Royal, sem er rétt hjá Louvre-safninu, finnur þú brot af því besta sem París hefur upp á að bjóða – verslanir, kaffihús, list, arkitektúr, merka sögu og stórkostlega garða. 

Ljósmynd/Unsplash/Alexandre Van Thuan

Matur og drykkur

Georges matsölustaður

Matsölustaðurinn er á þaki hins fræga Centre Pompidou sem opnaði árið 1977. Á þeim tíma var hönnun safnsins umdeild og þótti róttæk með iðnaðarpípum og stórum gluggum. 

Það er því mikil upplifun að fara á Georges sem veitir stórkostlegt útsýni yfir París.

Le Café Marly

Það er tilvalið að skella sér á Le Café Marly eftir að hafa spókað sig um á Louvre-safninu. Staðurinn er guðdómlega fallegur að innan, en í góðu veðri er fátt sem jafnast á við að sitja úti og njóta útsýnisins yfir Louvre-safnið. 

Tengdar fréttir

Borgarferðir

48 tímar í Köben: Hönnunarparadís, sjósund og lífleg matarupplifun

• Féll fyrir Berlín og flutti ekki aftur heim
• Finnar bjóða upp á ókeypis hamingjunámskeið
• Hvert er best að ferðast í júní?
• Vilja hefja beint flug til Íslands

» Fleiri tengdar fréttir

Ferðaráð

Staðurinn sem mælt er með að heimsækja frekar en Fjaðrárgljúfur

• 12 hlutir sem þú ættir aldrei að gera í flugi
• „Það er allt öðruvísi menning á Balí en maður hefði haldið“
• Versta matarupplifunin var í fegurðarsamkeppni í Mexíkó
• Mæla með tíu heillandi stöðum á Íslandi

» Fleiri tengdar fréttir

48 tímar

48 tímar á Menorca: Falda perla Baleareyja

• 48 tímar í Þýskalandi: Oberwesel og Köln
• 48 tímar í Portó: Vínekrur, sigling og arkitektúrperlur
• 48 tímar í San Francisco
• 48 tímar í Los Angeles

» Fleiri tengdar fréttir

Frakkland

Fimm magnaðar sundlaugar sem þú verður að sjá

• Þessu pakka tískudrottningar fyrir ferð til Parísar
• EasyJet flýgur á milli Íslands og Parísar
• Olga og Andri trúlofuð í borg ástarinnar
• Laufey setti upp friðarmerki í París

» Fleiri tengdar fréttir

• Blogga um frétt