Hljómsveitin Korn kemur til Íslands

Korn.
Korn.

BANDARÍSKA rokksveitin Korn mun leika í Laugardalshöll 30. maí næstkomandi. Korn, sem stofnuð var í Kaliforníu árið 1992, reyndist áhrifamesta rokksveit tíunda áratugarins. Hún er forvígissveit í hinu svokallaða ný-þungarokki (nu-metal, hip-hop massive) þar sem hipp-hoppi og þungarokki er blandað saman með djúpstæðum textum. Korn mun hefja Evrópuferð sína vegna nýútkominnar plötu sem ber nafnið Take a Look In the Mirror í Reykjavík. Platan kom út í nóvember síðastliðnum. Korn hefur gefið út sex breiðskífur sem hafa selst í tugum milljóna eintaka um allan heim. Korn ('94), Life Is Peachy ('96) og Follow the Leader ('98) þykja allt skotheldar smíðar. Sveitin brást svo við æ meiri vinsældum nýþungarokksins (og útvötnun) með hinni innhverfu en níðþungu Issues árið 1999 og sýndu þar og sönnuðu hverjir væru leiðtogarnir. Plata þeirra Untouchables, frá 2002, er þá talin dýrasta rokkplata sem gerð hefur verið, en þeir félagar lágu yfir smíðinni í þrjú ár. Take a Look In the Mirror hefur þá verið að fá mjög góða dóma og segja rokkspekingar að Korn hafi enn og aftur náð að endurskapa sig án þess þó að tapa niður því sem gerir Korn að Korn. Upphitunaratriði á tónleikunum verða kynnt er nær dregur. Miðasala hefst í verslunum Skífunnar á Laugavegi 26, Smáralind og Kringlunni sunnudaginn 29. febrúar klukkan 21.00.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Stjörnuspá »

Hrútur

Sign icon Það er eitthvað sem er að glepja þig þessa dagana en þú verður að taka á honum stóra þínum og sinna þínum störfum.

Stjörnuspá »

Hrútur

Sign icon Það er eitthvað sem er að glepja þig þessa dagana en þú verður að taka á honum stóra þínum og sinna þínum störfum.