Sýning Vesturports á Woyzeck í Barbican-listamiðstöðinni trónir efst á lista Nicholas de Jongh, gagnrýnanda Evening Standard, yfir áhugaverðustu sýningarnar í London þessa viku.
Gagnrýnandinn setur Woyzeck í fyrsta sæti en aðrar sýningar á listanum eru ekki af verri endanum; Grafskrift fyrir George Dillon eftir John Osborne með Joseph Fiennes í aðalhlutverki, söngleikurinn um Mary Poppins, uppfærsla Trevors Nunns á Ríkharði II eftir Shakespeare með Kevin Spacey í aðalhlutverki og söngleikur Mel Brooks, Framleiðendurnir (The Producers), sem slegið hefur í gegn beggja vegna Atlantshafsins.