Handtaka átti Spaugstofumenn

Spaugstofan.
Spaugstofan. mbl.is
Tveir einkennisklæddir lögreglumenn mættu í gleðskap á heimili Björns Emilssonar, upptökustjóra hjá Sjónvarpinu, í gærkvöldi og sögðust vera komnir til að handtaka Spaugstofumenn, þ.e. þá Randver Þorláksson, Örn Árnason, Karl Ágúst Úlfsson, Sigurð Sigurjónsson og Pálma Gestsson. Var Spaugstofumönnum nokkuð brugðið við þetta, en þeir fluttu þjóðsönginn með breyttum texta í seinasta þætti, sem er lögbrot.

Í ljós kom að þetta var leikþáttur, settur á svið af Birni. Frá þessu segir Sigmar Guðmundsson, einn umsjónarmanna Kastljóss á bloggi sínu í dag. Hann hefur það eftir fimmmenningunum að fáar kvartanir hafi borist þeim vegna meðferðar þeirra á þjóðsöngnum.

300. þáttur Spaugstofunnar

mbl.is

Bloggað um fréttina