Jóhanna Guðrún söng í keppniskjólnum
Setja bókamerki
Jóhanna Guðrún Jónsdóttir æfði á ný í dag á sviðinu í Moskvu þar sem Eurovision söngvakeppnin fer fram í næstu viku. Fram kemur á vef keppninnar, að íslenski hópurinn hafi verið afar ánægður með æfinguna en Jóhanna Guðrún klæddist bláum kjól, sem hún mun einnig klæðast í keppninni sjálfri.
Á vefnum eurovison.tv. segir, að augljóst hafi verið á æfingunni í dag hvers vegna íslenska þjóðin féll fyrir Jóhönnu Guðrúnu. Hún hafi flutt ballöðuna Is It True? með sannfærandi hætti. Engar stórvægilegar breytingar hafi verið gerðar frá fyrstu æfingunni á mánudag en þó hafi verið ákveðið að sýna búningana, sem notaðir verði í fyrri undanúrslitunum á þriðjudaginn. Jóhanna Guðrún klæddist bláum kjól og bakraddasöngvararnir voru í bláum og gráum búningum.
Vefurinn segir, að tónlistarmennirnir hreyfi sig lítið á sviðinu en þeim sé stjórnað á mjög áhrifaríkan hátt.
Síðar í dag verða Íslendingarnir með blaðamannafund og annað kvöld verður móttaka í íslenska sendiráðinu í Moskvu fyrir íslenska hópinn.
Bergnuminn í Hvalfirði
Sex hafa greinst með listeríu
Væri að ljúga ef ég segðist ekki stressaður
Frambjóðendur skila inn listum í Hörpu
Krefjast stöðvunar framkvæmda
Mál hjúkrunarfræðingsins fer aftur fyrir héraðsdóm
„Höfum ekki náð að skríða upp úr þeirri gryfju“