Jackson jarðsunginn í nótt

Michael Jackson
Michael Jackson Reuters

Staðfest hefur verið að poppsöngvarinn Michael Jackson verði jarðsunginn í nótt að viðstöddum ættingjum hans og nánustu vinum, rúmum tveimur mánuðum eftir að hann dó.

Athöfnin fer fram í grafhýsi í Forest Lawn-kirkjugarðinum í Hollywood klukkan sjö e.h. að staðartíma, kl. tvö í nótt að íslenskum, og á að standa í 45 mínútur. 

Fjölmiðlum og aðdáendum Jacksons verður ekki veittur aðgangur að athöfninni en talið er að söngkonan Diana Ross verði á meðal viðstaddra og að Aretha Franklin syngi. 

Gert hafði verið ráð fyrir því að útförin færi fram á afmælisdegi Jacksons, 29. ágúst, en ákveðið var að fresta henni til að meiri tími gæfist til að undirbúa hana. Margir frægir leikarar hafa verið bornir til grafar í Forest Lawn-kirkjugarðinum, þeirra á meðal Humphrey Bogart, Errol Flynn og Clark Gable.

mbl.is

Stjörnuspá »

Hrútur

Sign icon Farðu þér hægt í erfiðum málum því flas er ekki til fagnaðar. Eitthvað sem áður virtist á gráu svæði, er núna spurning um rétt eða rangt í þínum augum.

Stjörnuspá »

Hrútur

Sign icon Farðu þér hægt í erfiðum málum því flas er ekki til fagnaðar. Eitthvað sem áður virtist á gráu svæði, er núna spurning um rétt eða rangt í þínum augum.