Hræin fara í refi, fálka og erni

Kjötætur í Húsdýragarðinum fá reglulega að gæða sér á hræjum annarra dýra í garðinum sem hefur verið fargað en mál gíraffans Maríusar í Dýragarðinum í Kaupmannahöfn hefur komist í heimsfréttirnar og þá hafa sérstaklega myndir af ljónum tæta í sig gíraffann vakið mikla athygli.

Tómas Óskar Guðjónsson, forstöðumaður Fjölskyldu- & húsdýragarðsins, segir það oft gerast að dýr í Húsdýragarðinum fái hræ annarra dýra úr garðinum sem þurft hafi að farga og þá sé það ekkert tiltökumál að gestir fái að fylgjast með. Það sem skipti mestu máli sé að faglega sé staðið því og að hlutirnir séu útskýrðir.

Oft vilji fólk hlífa börnunum við því að sjá slíkt en hans reynsla er sú að börnin hafi fullan skilning á því að þetta sé gangur náttúrunnar.

Frétt mbl.is þar sem forstöðumaður Dýragarðsins í Kaupmannahöfn ver aðgerðir garðsins.

mbl.is

Bloggað um fréttina