Veröld/Fólk | mbl | 29.2.2016 | 5:16 | Uppfært 6:43

Loksins fékk Leo Óskarinn

Mynd 1 af 46 Sigurvegararnir í leikaraflokkunum stilltu sér upp saman.

Mynd 2 af 46 Ryan Gosling og Russell Crowe kynntu verðlaun fyrir besta handritið sem unnið var upp úr bók.

Mynd 3 af 46 Sviðið er svo sannarlega glæsilegt.

Mynd 4 af 46 Pharrell Williams og Helen Lasichanh ræða saman fyrir athöfnina.

Mynd 5 af 46 Chris Rock.

Mynd 6 af 46 Emily Blunt og Charlize Theron afhentu verðlaun fyrir besta handritið.

Mynd 7 af 46 Steve Carell í skaranum.

Mynd 8 af 46 Sarah Silverman kynnti söngvarann Sam Smith á svið.

Mynd 9 af 46 Adam McKay og Charles Randolph tóku við verðlaunum fyrir handrit sitt að The Big Short.

Mynd 10 af 46 Leikkonan Stacey Dash kom á svið sem nýr fulltrúi minnihlutahópa í akademíunni, í glensi og gríni þó.

Mynd 11 af 46 Alicia Vikander hlaut verðlaun fyrir bestan leik í aukahlutverki.

Mynd 12 af 46 Cate Blanchett kynnti verðlaunahafa í flokki búningahönnunar.

Mynd 13 af 46 Elka Wardega, Lesley Vanderwalt og Damian Martin taka við verðlaunum fyrir förðun og hár.

Mynd 14 af 46 Benicio del Toro og Jennifer Garner á sviðinu.

Mynd 15 af 46 Margot Robbie og Jared Leto afhentu verðlaun fyrir förðun.

Mynd 16 af 46 Benicio del Toro og Jennifer Garner tóku sig vel út.

Mynd 17 af 46 The Weeknd átti magnaða innkomu.

Mynd 18 af 46 Kevin Hart var hress.

Mynd 19 af 46 Gabriel Osorio og Pato Escala fögnuðu fyrstu Óskarsverðlaunum heimalands síns Chíle en þeir unnu fyrir bestu teiknuðu stuttmyndina.

Mynd 20 af 46 Rock fékk gesti til að kaupa smákökur af skátastúlkum.

Mynd 21 af 46 Skátastúlkurnar birtust á stóra skjánum.

Mynd 22 af 46 C-3PO, R2D2 og BB-8 tróðu upp.

Mynd 23 af 46 Jason Segel og Olivia Munn.

Mynd 24 af 46 Andy Serkis afhenti verðlaun fyrir bestu tæknibrellurnar.

Mynd 25 af 46 Louis C.K. sagði Mad Max hafa hlotið vinninginn fyrir bestu heimildarmyndina áður en hann tilkynnti réttan sigurvegara.

Mynd 26 af 46 Mark Rylance tekur á móti verðlaunum fyrir besta leikinn í aukahlutverki.

Mynd 27 af 46 Mark Rylance tekur við Óskarnum.

Mynd 28 af 46 Gestir verðlaunahátíðarinnar sitja prúðbúnir í sætum sínum.

Mynd 29 af 46 Gleraugu Kate Winslet vöktu athygli.

Mynd 30 af 46 The Weeknd ásamt fríðum flokki dansara.

Mynd 31 af 46 Opnunarræða Chris Rock tók m.a. á hvítþvegnum vanda Óskarsins þar sem engir svartir leikarar eru tilnefndir annað árið í röð.

Mynd 32 af 46 Svíinn Alicia Vikander gengur af sviði með verðlaunin sín.

Mynd 33 af 46 Cate Blanchett ásamt búningahönnuðinum Jenny Beavan.

Mynd 34 af 46 Sacha Baron Cohen og Olivia Wilde sem komst lítið að fyrir stælunum í Ali G.

Mynd 35 af 46 Tina Fey og Julianne Moore knúsast.

Mynd 36 af 46 Alejandro G. Iñárritu kreppir hnefann um styttuna.

Mynd 37 af 46 Lady Gaga ásamt þolendum kynferðisofbeldis sem tóku þátt í atriði hennar.

Mynd 38 af 46 David White, sem hlaut verðlaun fyrir hljóðklippingu á 'Mad Max: Fury Road', leikarinn Chris Evans, og Mark A. Mangini sem deildi verðlaununum með White.

Mynd 39 af 46 Larson og DiCaprio skiptast á kossum.

Mynd 40 af 46 Lady Gaga baksviðs.

Mynd 41 af 46 Spotlight teymið fagnar sigri.

Mynd 42 af 46 Brie Larson og Alicia Vikander stilla sér upp.

Mynd 43 af 46 Mark Rylance, með styttuna fyrir bestan leik karla í aukahlutverki.

Mynd 44 af 46 Common, gengur af sviðinu með Jimmy Napes, John Legend og Sam Smith.

Mynd 45 af 46 Emmanuel Lubezki, Leonardo DiCaprio og Alejandro Gonzalez Inarritu smella í rándýra sjálfsmynd.

Mynd 46 af 46 Colin Gibson og Lisa Thompson fagna verðlaunum sínum fyrir sviðsmyndahönnun.

DiCaprio nýtti tækifærið til að ræða hlýnun jarðar. AFP

Það verður veisla á Austurvelli á morgun því Leonardo DiCaprio vann loksins Óskarsverðlaun. DiCaprio hafði fjórum sinnum áður hlotið tilnefningu til verðlaunanna, fyrst árið 1994.

Leonardo hlaut verðlaunin fyrir The Revenant og þakkaði hann sérstaklega samleikara sínum Tom Hardy og leikstjóranum Alejandro González Iñárritu en einnig öðrum sem gáfu honum tækifæri og kenndu honum á bransann í gegnum tíðina sem og foreldrum og vinum.

Síðustu sekúndurnar nýtti hann hinsvegar til að tala um umhverfisvá.

„Loftslagsbreytingar eru raunverulegar og eru að eiga sér stað núna og eru alvarlegasta ógnin sem steðjar að okkur sem tegund,“ sagði Leonardo og hvatti til stuðnings við þá leiðtoga heimsins sem láta fjárhagssjónarmið ekki ráða för. „Ekki taka plánetunni sem gefnum hlut, ég tek þetta kvöld ekki sem gefnum hlut. Takk fyrir.“

Kvikmyndin Spotlight var verðlaunuð sem besta kvikmynd ársins og einnig fyrir handrit ársins. Flest verðlaun fékk hinsvegar Mad Max: Fury Road eða fimm verðlaun alls. Brie Larsson hlaut verðlaun fyrir bestan leik kvenna í aðalhlutverki og Alejandro G. Inárritu leikstjóri The Revenant hlaut verðlaun fyrir bestu leikstjórn ársins.

Tónskáldið Jóhann Jóhannsson hlaut ekki Óskarinn en í þetta skiptið var það Ennio Morricone sem hlaut verðlaunin fyrir tónlistina í The Hateful Eight. Morricone er 87 ára gamall og því elsti Óskarsverðlaunahafinn frá upphafi.

Hér að neðan má sjá heildarlista verðlaunahafa í þeirri röð sem þeir voru kynntir.

Handrit ársins: Tom McCarthy og John singer fyrir Spotlight.

Besta handritsaðlögunin: Charles Randolph og Adam McKay fyrir The Big Short.

Besta leikkona í aukahlutverki: Alicia Vikander fyrir hlutverk sitt í The Danish Girl.

Besta búningahönnun: Jenny Beavan fyrir Mad Max: Fury Road.

Besta leikmyndin: Colin Gibson og Lisa Thompson fyrir Mad Max: Fury Road.

Besta förðun og hárhönnun: Lesley Vanderwald, Ekla Wardega og Damian Martin fyrir Mad Max: Fury Road.

Besta kvikmyndatakan: Emmanuel Lubezki fyrir The Revenant.

Besta klippingin: Margaret Sixel fyrir Mad Max: Fury Road.

Besta hljóðklipping: Mark Mangini og David White fyrir Mad Max: Fury Road.

Besta hljóðblöndun: Christ Jenkins, Gregg Rudloff og Ben Osmo fyrir Mad Max: Fury Road.

Bestu tæknibrellur: Andrew Whitehurst, Paul Norris, Mark Ardington og Sara Bennett fyrir Ex Machina.

Besta teiknaða stuttmyndin: Gabriel Osorio og Pato Escala fyrir Bear Story.

Besta teiknimyndin: Pete Docter og Jonas Rivera fyrir Inside Out.

Besti leikari í aukahlutverki: Mark Rylance fyrir Bridge of Spies.

Besta stutta heimildarmyndin: Sharmeen Obaid-Chinoy fyrir A girl in the River.

Besta heimildarmyndin: Asif Kapadia og James Gay-Rees fyrir Amy.

Besta stuttmyndin: Benjamin Cleary og Serena Armitage fyrir Stutterer.

Besta kvikmyndin á erlendri tungu: László Nemes fyrir Son of Saul.

Besta tónlistin: Ennio Morricone fyrir The Hateful Eight.

Besta lagið: Jimmy Napes og Sam Smith fyrir „Writings on the Wall“ úr kvikmyndinni Spectre.

Besta leikstjórn: Alejandro G. Inárritu fyrir The Revenant.

Besta leikkona: Brie Larsson fyrir Room.

Besti leikari: Leonardo DiCaprio fyrir The Revenant.

Besta kvikmyndin: Michael Sugar, Steve Golin, Nicole Rocklin og Blye Pagon Faust fyrir Spotlight.

Fleira áhugavert

Banna mengandi búnað sem leyfður er á Íslandi

Krefjast stöðvunar framkvæmda

Heldur inn í nóttina tuttugu kílóum léttari

Breytingar á skipulagi fréttadeildar RÚV

Félagsstarf »

Stjörnuspá »

Hrútur

Dagurinn í dag er kjörinn til þess að taka ákvarðanir varðandi íbúðakaup. Hafðu trú á getu þinni til að skapa.

síðasta vika

Vinsælustu hljóðbækurnar

Heimkoma

Lone Theils

Sagan af Hertu 4

Anna Sundbeck Klav

Vöffluhúsið í fjöllunum

Karin Härjegård

Tafl fyrir fjóra

Birgitta H. Halldórsdóttir

Baldursbrár

Kristina Ohlsson