Amber Heard, sem á dögunum sótti um skilnað frá eiginmanni sínum Johnny Depp, segir leikarann hafa beitt sig andlegu og líkamlegu ofbeldi um langt skeið.

Leikkonan fór í kjölfarið fram á nálgunarbann á hendur Depp, sem dómstóll síðan staðfesti.

Í dómsskjölum lýsir Heard því yfir að á tímabili hafi hún óttast um líf sitt, en hún segir Depp meðal annars hafa reynt að kæfa sig með kodda. Umrædd árás á að hafa átt sér stað í desember síðastliðnum.

Í gær birti Heard síðan myndir af áverkum sem hún segir Depp hafa veitt sér, en á þeim er hún marin í andliti auk þess sem vör hennar er sprungin.

Samkvæmt umfjöllun Mirror staðfestir vinkona Heard frásögn hennar, en hún segist hafa heimsótt leikkonuna eftir atvikið.

„Ég fór heim til hennar og fann hana með sprungna vör, bólgið auga auk þess sem það var búið að rífa hárlokka úr höfði hennar.“

Heard segir að leikarinn hafi reglulega beitt sig ofbeldi, en hún heldur því fram að hann hafi kastað farsíma í andlit sitt af miklu afli í lok síðasta mánaðar, skömmu áður en hún sótti um skilnað.

Lögreglan, sem kölluð var á vettvang vegna heimiliserja, segist þó ekki hafa séð neina áverka á leikkonunni líkt og fram kemur í frétt Mirror.

Ljósmyndirnar birtust í tímaritinu People, en þar má sjá mar á andliti Heard auk þess sem hún er með áverka á vörinni. Heard segir leikarann margoft hafa beitt hana orbeldi. Ljósmynd / skjáskot People

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt