Chris Brown í nálgunarbann

Leikkonan og fyrirsætan Karrueche Tran hefur fengið nálgunarbann á fyrrverandi kærasta sinn, rapparann Chris Brown. Brown verður að halda sig í tæplega 100 metra fjarlægð frá heimili hennar, vinnu og bíl og má ekki hafa samband við hana undir neinum kringumstæðum næstu fimm árin. 

Samkvæmt Entertainment Tonight fékk Tran bráðabirgða nálgunarbann á hann í febrúar. En rapparinn á að hafa beitt Tran líkamlegu ofbeldi þegar þau voru saman og hótað að drepa hana.

„Hann sagði að ef einhver annar fengi mig ætlaði hann að láta fjarlægja mig,“ sagði Tran. „Ég er með skilaboð frá desember 2016 til janúar 2017 þar sem hann hótaði nokkrum sinnum, meðal annars því að lemja mig og gera líf mitt að helvíti. 

Þetta er ekki fyrsta sem rapparinn kemst í kast við lögin vegna ofbeldis en árið 2009 var hann handtekinn og kærður fyrir að lemja söngkonuna Rihönnu, sem var kærasta hans á þeim tíma. 

Karrueche Tran attends the Turner Upfront 2017 at The Theater at Madison Square Garden on May 17, 2017 in New York City. / AFP PHOTO / ANGELA WEISS AFP

• Blogga um frétt