Vinna við framhald af galdramyndinni Fantastic Beasts er í fullum gangi en framleiðslufyrirtækið Warner Bros tilkynnti fyrir stuttu að myndin bæri nafnið Fantastic Beasts: The Crimes of Grindelwald. Myndin verður frumsýnd í nóvember á næsta ári.
Persónur J.K. Rowling koma fyrir í myndunum og leikur Jude Law Albus Dumbeldore sem gegnir hlutverki skólameistara Hogwarts-skóla í Harry Potter-bókunum. Myndirnar gerast áður en Harry Potter kemur til sögunnar og því þarf Jude Law ekki að nota grátt gerviskegg enda Dumbledore tölvert yngri í nýju myndunum.