Söngvarinn Ricky Martin er giftur maður en hann sagði frá því í viðtali við E!. Martin og unnusti hans, listamaðurinn Jwan Yosef, gengu í það heilaga án þess að halda stóra veislu.
Martin segir að þeir hafi farið með heit sín og skrifað undir alla pappíra, kaupmála og allt. Honum finnst æðislegt að geta kynnt hann sem eiginmann sinn en ekki bara unnusta. Þeir ætla síðan að bíða með stóru veisluna í nokkra mánuði.
Martin kom út úr skápnum árið 2010 og byrjaði með Yosef fyrir tveimur árum. Martin á tvíbura sem hann eignaðist árið 2008 með hjálp staðgöngumóður.