Fyrir rúmri viku upplýstu Kryddpíunnar að Spice Girls væru að vinna að nýju verkefni. Nú hefur fatahönnuðurinn og fína kryddið Victoria Beckham gefið það út að hún ætli sér ekki í tónleikaferðalag.
„Ég er ekki að fara á túr. Stelpurnar ætla ekki að fara á túr,“ sagði Beckham í samtali við Vouge á tískuvikunni í New York.
Beckham sagði að það hafi verið gott að hitta vinkonur sínar aftur en þær höfðu ekki hist allar síðan árið 2012. Hún er þó alltaf í sambandi við þær þó að þær hittist ekki allar saman.
Beckham vildi lítið greina frá því hvaða verkefni Kryddpíunnar væru að vinna að fyrst þær væru ekki að fara í tónleikaferðalag. Hún sagði að þær væru bara að kasta hugmyndum á milli sín og lagði áherslu á að fatahönnun ætti hug hennar allan.