Þrátt fyrir að ár sé liðið frá því að leikarinn Bill Paxton lést er máli hans hvergi nærri lokið. Fjölskylda hans hefur lagt fram kæru gegn spítalanum og læknum sem meðhöndluðu hann.
Paxton sem var þekktur meðal annars fyrir hlutverk sín í Titanic, Aliens og Twister var 61 árs þegar hann lést. Hann fékk heilablóðfall tveimur vikum eftir að hann undirgekkst hjartaaðgerð.
Ekkja Paxton, Louise Paxton, sonurinn James og dóttirin Lydia og dánarbúið lögðu fram kæruna í síðustu viku í Los Angeles samkvæmt USA Today.
Í kærunni er læknir meðal annars sakaður um hafa ekki gert grein fyrir því að fyrirhuguð skurðaðgerð væri áhættusöm og óhefðbundin og hann hefði ekki mikla reynslu af henni.