Þrjár brúðkaupsmyndir hafa verið birtar af hertogahjónunum af Sussex. Ljósmyndarinn Alexi Lubomirski lýsti því í viðtali við BBC hvernig var að taka brúðkaupsmyndirnar af Harry og Meghan.
Eftir fjölskyldumyndatökuna var haldið í veisluna en ef þau hefðu orku eftir hana var planið að taka persónulegri myndir af hjónunum nýgiftu. Það tókst og náði Lubomirski að taka myndir af þeim á þremur og hálfri mínútu. Myndin af þeim þar sem þau sitja í tröppum við Windsor-kastala er afrakstur þess.
Nýgiftu hjónin voru þó orðin mjög þreytt í myndatökunni. Hann segir Meghan hafa hlammað sér á milli fóta Harry og síðan hafi þau hlegið þar sem þau voru dauðuppgefin og hugsuðu að þetta væri loksins búið.