Harry Bretaprins og Meghan hertogaynja buðu þeim Chelsy Davy og Cressidu Bonas í brúðkaup sitt sem fram fór um síðustu helgi. Þær Davy og Bonas eru fyrrverandi kærustur Harry og er prinsinn sagður hafa hringt í Davy fyrir brúðkaupið til að eiga lokasamtal.
„Þetta var síðasta símtalið, aðskilnaðarsímtal þar sem þau viðurkenndu bæði að hann væri að halda áfram. Chelsy var tilfinningarík út af þessu öllu, hún grét og hætti næstum því við að fara í brúðkaupið. Að lokum fór hún og lofaði Harry að hún myndi reyna að að mæta óboðin í partíið,“ sagði fjölskylduvinur við Vanity Fair. Davy sem átti í sambandi við Harry á árunum 2004 til 2011 var ekki sú eina sem fékk ekki boð í veisluna sem fram fór um kvöldið en aðeins var um 200 manns boðið í kvöldveisluna.