Kylie Jenner hefur ráðið einkaspæjara til að fylgjast með Travis Scott á tónleikaferðalagi hans um Evrópu. Sem kemur kannski ekki á óvart miðað við sögurnar sem fóru af stað á meðgöngu Jenner um meint framhjáhald Travis. Tónleikar Travis um Evrópu hefjast um miðjan júlí og munu standa yfir í mánuð.
The Hollywood Gossip greinir frá því að Jenner er óörugg með trygglindi Scott þessa dagana. Hún gerir sér grein fyrir því að freistingarnar eru margar fyrir vinsæla tónlistamenn, þá sér í lagi á tónleikaferðalögum. Eins er Jenner óörugg með líkama sinn eftir fæðinguna. Þó svo öllum finnist hún falleg er hún ennþá að berjast við að koma líkama sínum í fyrra horf. Dóttir Jenner og Scott, Stormi er fjögurra mánaða gömul.
Samkvæmt Radar Online virðist lítið traust í sambandinu. Heimildarmaður staðfestir að Jenner fylgist náið með Travis, skoði reglulega símann hans og hvað hann er að gera á samfélagsmiðlum.
Það er greinilega ekki tekið út með sældinni að vera í sambandi ef þú ert á meðal hinna frægu og vinsælu.