Tónlistarkonan Guðný María Arnþórsdóttir hefur sent frá sér nýtt myndband við lagið Manni eins og þig. Myndbandið birtist „loksins“ eins og Guðný orðar það á Youtube í gær en lagið sjálft kom út í vor.
Guðný María sló í gegn með páskalagi sínu um páskana og hefur síðan gefið frá sér fleiri lög. Guðný María semur lögin sín sjálf en mörg laga hennar eiga það sameiginlegt að festast í minni fólks eins og til dæmis lagið Nú fer ég í helgarfrí.
Fyrri myndbönd Guðnýjar Maríu hafa náð miklum vinsældum á Youtube en búið er að spila páskalagið yfir 67 þúsund sinnum og Nú fer ég í helgarfrí yfir 37 þúsund sinnum. Spurning er hvort að nýja myndbandið toppi það.