Trump hatar hunda
Sonja Sif Þórólfsdóttir
Setja bókamerki
Donald Trump forseti Bandaríkjanna er ekki hrifinn af hundum. Nýverið líkti hann fyrrverandi ráðgjafa í Hvíta húsinu, Omarosa Manigault Newman, við hund. Það er ekkert nýmæli að Trump líki andstæðingum sínum við dýr, en hann hefur meðal annars líkt fyrrverandi forstjóra bandarísku alríkislögreglunnar, James Comey, og Stephen Bannon, fyrrverandi ráðgjafa í Hvíta húsinu, við hunda.
Fyrsta eiginkona hans Ivana skrifaði í endurminningum sínum „Raising Trump“ að hann hafi ekki verið hrifinn af hundum. Hún ætlaði að flytja hundinn sinn með sér til New York, en Trump sagði nei við því.
Þá er Trump fyrsti forsetinn til að eiga ekki hund síðan 1901. Þáverandi forseti, William McKinley, átti ekki hund, en hann átti hana og páfagauk. Í Hvíta húsi Trumps eru engin gæludýr.
Það er löng hefð fyrir því að forsetinn eigi hund. Fyrsti forseti Bandaríkjanna, George Washington, gaf tóninn hvað varðar gæludýraeign forsetans en hann ræktaði refahunda. Ronald Regan átti Rex, George H.W. Bush átti Millie, Bill Clinton átti Buddy, George W. Bush átti Spotty, Barney og Miss Beazly og Barack Obama átti Bo og Sunny. Til er bók skrifuð af Brooke Janis og Roy Rowan, sem fjallar um forsetahundana og ber hún nafnið „First Dogs“.
„Ef þig vantar vin í Washington, fáðu þér hund,“ er víðfræg setning sem tileinkuð er Harry S. Truman, fyrrverandi forseta Bandaríkjanna.
Enn langt í að rannsókn málsins ljúki
Saka Ísraela um fjöldamorð
Konur álitnar annars flokks borgarar
„Hann skók húsið aðeins“
Misvísandi málflutningur ráðherra í máli Yazans
Hefði ekki lagst gegn samþykkt sáttmálans
Ekki hópuppsögn að segja upp fastri yfirvinnu