Það er ekki bara dans á rósum að vera hluti af bresku konungsfjölskyldunni en Meghan hertogaynja hefur fengið að kynnast því. People greinir frá því að Meghan hafi misst samband við nána vini sína síðan hún gifti sig í maí.
Heimildarmaður People segir að hertogaynjan eigi erfitt með að ákveða hverjum hún geti treyst og hverjum ekki. Hún á þó enn nokkra vini og er sögð í sambandi við smáan hóp af vinum sínum sem hún getur hringt í.
Hún eyðir þó líka tíma með þeim og í ágúst fór hún leynilega ferð til Toronto í fimm daga þar sem hún heimsótti vinkonu sína, stílistann Jessicu Mulroney. Meghan horfði líka á vinkonu sína, tenniskonuna Serenu Williams, á Wimbledon-mótinu ásamt svilkonu sinni Katrínu hertogaynju.