Leikarinn Will Smith fór í teygjustökk í gær, þriðjudag, en þá fagnaði hann einmitt 50 ára afmæli sínu. Smith hoppaði út úr þyrlu í Miklagljúfri í Bandaríkjunum og mun líklega seint gleyma deginum.
Fjölskylda hans var mætt til að fylgjast með honum þegar hann stökk en leikarinn sem er vanur ýmsu úr kvikmyndum virtist smeykur þegar leið á þyrluferðina eins og sjá má á myndbandinu.