Bandaríska leikkonan Andie MacDowell kom fram á tískusýningu L'Oreal í París um helgina. Leikkonan sem varð sextug fyrr á árinu var kannski eldri en margar fyrirsæturnar en lét það ekki stoppa sig og átti hreinlega sýningarpallinn.
MacDowell sem er þekktust fyrir leikferil sinn hóf ferilinn sem fyrirsæta og var þátttaka hennar í Calvin Klein-herferð ástæða þess að hún fékk hlutverk í myndinni Greystoke: The Legend of Tarzan á níunda áratugnum.
MacDowell hefur þó aldrei alveg lagt fyrirsætuferilinn á hilluna og hefur unnið fyrir L'Oreal í 30 ár og var því fagnað með stæl á tískusýningunni í París.